සේරුවිල මංගල රජමහා විහාරාධිපති පූජ්ය අලුදෙණියේ සුබෝධි ස්වාමීන්ද්රයන් වහන්සේ, සෞඛ්ය සේවා අධ්යක්ෂ ජෙනරාල් විශේෂඥ වෛද්ය අසේල ගුණවර්ධන, ළමා රෝග විශේෂඥ වෛද්ය පුෂ්පා පුංචිහේවා, එක්සත් රාජධානියේ ඔක්ස්ෆර්ඩ් සිට විශේෂඥ වෛද්ය අමිත් ගුප්තා, ශ්රී දළදා මාළිගාවේ දියවඩන නිලමේ තැන්පත් ප්රදීප් දෑලබණ්ඩාර මැතිතුමා ඇතුළු විශේෂඥ වෛද්යවරුන්, වෛද්යවරුන් සහ සම්භාවනීය අමුත්තන් රැසක් එම උළෙලට සහභාගී වුණා.
සභාව අමතා ආරාධිත දේශනයක් පැවැත් වූ සේරුවිල මංගල රජමහා විහාරාධිපති පූජ්ය අලුදෙණියේ සුබෝධි ස්වාමීන්ද්රයන් වහන්සේ අලුත උපදින නොමේරූ දරුවන්ගේ ජීවිත ආරක්ෂා කරනු පිණිස සේරුවිල මංගල රජමහා විහාරයත්, ශ්රී ලංකා පරිජන්ම වෛද්යවරුන්ගේ සංගමයත් එක්ව ක්රියාවට නංවන ”Save a Baby” පුණ්ය ව්යාපෘතිය පිළිබඳව පැහැදිලි කරනු ලැබුවා.